Inner knee fat removal tips in Tamil – உள் மூட்டு கொழுப்பை நீக்குவது எப்படி

மூட்டின் உள்பகுதியில் கொழுப்பு இருப்பது பற்றி நம்மில் பெரும்பாலும் அதிக கவலை கொள்வதில்லை ஏனெனில் அவை மூட்டின் உள்புறமாக இருப்பவை. மேலும் நாம் பெரும்பாலான நேரங்களில் முட்டு மறையும்படியான ஆடை அணிந்து வெளியில் செல்லும்போது முட்டியைச் சுற்றி கொழுப்பு இருப்பது என்பது தெரியப்போவதே இல்லை. அதனால் நாம் அதைப்பற்றி பெரிதாக எடுப்பதும் இல்லை.ஆனால், தற்போதைய நவநாகரீக உடைகளில்நம் ஆடை நமது கால் முட்டி வரையில் மட்டுமே சில நேரங்களில் இருப்பதாக அமையும். அத்தகைய தருணங்களில் உங்கள் முட்டியைச் சுற்றி அதிகமாக கொழுப்பு இருந்து ஒரு வீக்கம் போல் தெரிந்தால் நிச்சயம் அது ஒரு அசௌகரியான விசயமாக இருக்கும். நாம் நமது உடலின் முக்கிய உடலுறுப்புகளான இதயம், கண்கள், நுரையீரல், கைகள், முகம் போன்ற உறுபபுகளுக்கு அதிக முக்கியத்துவம் கொடுத்து அவைகளை பராமரித்து வருகின்றோம். ஆனால். அதே நமது உடலின் மற்ற சில உறுப்புகள், பாகங்கள் பற்றி நாம் அதிகம் அக்கறை காட்டுவதில்லை, அப்படியான ஒரு பகுதிதான் நம் கால் முட்டியின் உள்பகுதி கொழுப்பு.

உங்களில் யாருக்கேனும் இந்த மாதிரி கால் முட்டியின் உள்பகுதியில் கொழுப்பு சேர்ந்து அதனால் முட்டியைச் சுற்றி சற்று பெருத்த சதையாக இருந்தால் நீங்கள் கவலைப்பட வேண்டியதில்லை அந்த கொழுப்பை கரைப்பது அவ்வளவு கடினமான விசயம் அல்ல. ஒரே முயற்சியில் அத்தகைய கொழுப்பு கரையாது என்றாலும் முறையான உடற்பயிற்சி மற்றுமு் சரியான உணவுப் பழக்கம் மூலம் அந்த கொழுப்பை கரைத்த உறுதியான தசைகளை கால் முட்டியைச் சுற்றி பெறலாம். அத்தகைய சில குறிப்புகளை அடுத்தடுத்து இங்கே கொடுத்துள்ளோம்.

உணவு முறை (Eating plan)

பொதுவாகவே உடலில் அதிக கொழுப்பு சதை படியாமல் இருக்க முதலில் அதிக கலோரி கொண்ட உணவுகளை உண்பதைத் தவிர்க்க வேண்டும். நம் உடலுக்கு ஒரு நாளைக்கு சராசரியாக எவ்வளவு கலோரி தேவை என்பதைத் தெரிந்து அந்த அளவு மட்டுமே உணவை சாப்பிட்டு வந்தால் உடலில் ஏற்கனவே சேமித்து வைக்கப்ட்டுள்ள கொழுப்பு படிப்படியாக கரைய ஆரம்பித்துவிடும்நாம் உண்ணும் உணவு நம் முழு உடலின் ஆரோக்கியத்தையும் காக்கிறது. நம் உடலுக்கு தேவையான எல்லா ஊட்டச்சத்துகளையும், கொழுப்பும் சேர்த்து நம் உணவின் மூலமாகத்தான் நாம் பெறுகின்றோம். இந்த கொழுப்பு நம் உடலின் அடிபோஸ் திசுக்களில் சேமித்து வைக்கப்படுகின்றன மேலும் இந்த அடிபோஸ் திசுக்கள் உடலின் எல்லா இடங்களிலும் உள்ளவை நாம் கால் மூட்டு பகுதியிலும் இருக்கின்றது.

நீங்கள் வழக்கமாக எடுத்துக்கொள்ளும் கலோரி அளவிலிருந்து 500 கலோரிகள் குறைத்து அதற்கேற்றவாக உணவு எடுத்துக் கொள்ளவேண்டும் மற்றும் உணவில் காய்கறிகள், கொழுப்பு குறைந்த இறைச்சி, கொழுப்பு குறைந்த பால் பொருட்கள், பழங்கள், முழு தானியங்கள், மீன் போன்றவைகளை உணவாக எடுத்துக்கொள்ளலாம்மதுவகைகள், பதப்படுத்தப்பட்ட பழச்சாறு, சோடா, தேநீர், காப்பி போன்றவைகளை முற்றிலும் தவிர்க்க வேண்டும். அதற்கு பதிலாக வீட்டிலேயே செய்யப்படும் பழச்சாறு மற்றும் தண்ணீர் அதிகம் அருந்த வேண்டும்எண்ணைய் குறைந்த உணவு, நொறுக்குத் தீனிகள் குறைத்திட வேண்டும்தினமும் சிறு சிறு அளவாக 5 முறை உண்ண வேண்டும்இந்த மாதிரியான உணவு முறையை கையாளும்போது உடலில் ஏற்கனவே சேமித்து வைக்கப்பட்டுள்ள கொழுப்பு கரைய ஆரம்பிக்கும் உடலும் ஆரோக்கியம் பெறும்.

உடற்பயிற்சி முறைகள் (Fitness plan)

கார்டியோவாஸ்குலர் உடற்பயிற்சி (Cardiovascular exercise)

மூச்சுப்பயிற்சிகள் செய்தவன் மூலம் உடலில் உள்ள கொழுப்புகள் கரையும் அதனால் கால் மூட்டு பகுதியைச் சுற்றியுள்ள கொழுப்பும் கரைய ஆரம்பிக்கும். சில மூச்சுப்பயிற்சிகளான ஏறுதல், சைக்கிள் ஓட்டுதல், ஓடுதல், வேகமாக நடத்தல் என செய்யலாம்.

  • முதலில் உடல் தயாரகுவதற்கான அடிப்படை பயிற்சிகளை மேற்கொள்ள வேண்டும்.
  • 20 வினாடிகள் வேகமாக ஓட வேண்டும் பின்னர் 40 வினாடிகள் மெது ஓட்டம் ஓடவேண்டும்.
  • இப்படி 30 நிமிடங்கள் வரை ஓடிவிட்டு பின்னர் 5 நிமிடங்கள் ஓய்வெடுத்து பின்னர் மெதுவாக நடக்க வேண்டும்.
  • ஒரு நாள் விட்டு ஒருநாள் என இந்த பயிற்சியை மேற்கொள்ள வேண்டும்.

கால் பயிற்சி (Leg press)

சில கால் பயிற்சிகளை தினமும் செய்ய வேண்டும்.

  • லெக்பிரஸ் உடற்பயிற்சி கருவியில் உள்ள இருக்கையில் அமர்ந்து கால்களை ஒரு அடி இடைவெளியில் அகலமாக சமதளபரப்பில் வைக்க வேண்டும்.
  • கால் வைத்திருக்கும் பரப்பை மேல்நோக்கி காலால் தள்ள வேண்டும் மற்றும் பாதுகாப்பு கைப்பிடியை பக்கவாட்டில் சுழற்ற வேண்டும்.
  • கால் வைத்திருக்கும் பரப்பை கீழ்நோக்கி இழுத்து கால் மூட்டு வயிறு பக்கமாக வரும்வரை கொண்டு வரவேண்டும்.
  • மீண்டும் பரப்பை மேல்நோக்கி தள்ள வேண்டும் கால்கள் நேராகும் வரை.
  • 15 தடவை என்பது 1 செட் என்ற வகையில் 3 செட் சேய்ய வேண்டும்.

லுங்கா உடற்பயிற்சிகள் (Lunges)

  • 2 டம்பெல்களை எடுத்துக் கொள்ள வேண்டும்.
  • நேராக நின்று 1 அடி அளவு கால்களை விரித்து டம்பெல்களை கைகளில் பக்கவாட்டில் வைத்துக்கொள்ள வேண்டும்.
  • வலது காலை பின்னால் ஒரு அடி வைத்து உடலை கீழ்நோக்கி கொண்டு வர வேண்டும். இரண்டு மூட்டுகளும் 90 டிகிரி கோணத்தில் இருக்க வேண்டும்.
  • வலது மூட்டு தரைக்கு பக்கத்திலும் இடது மூட்டு கணுக்கால் இருக்கும் கோட்டில் நேராக இருக்கவேண்டும் நீங்கள் உடலை கீழே கொண்டு செல்லும்போது.
  • இப்போது உடலை மேலே கொண்வந்து மீண்டும் பழைய நிற்கும் நிலைக்கு வர வேண்டும். இதே போல் இடது காலை பின்னால் கொண்டு சென்று செய்ய வேண்டும்.
  • தொடர்ந்து இப்படி கால் மாற்றி மாற்றி செய்ய வேண்டும்.
  • 1 செட்டுக்கு 20 தடவை என்று ஒரு நாளைக்கு 3 செட் செய்யலாம்.

கால்நீட்டும் பயிற்சி (Leg extension)

  • கால்நீட்டும் உடற்பயிற்சி கருவியில் உட்கார வேண்டும்.
  • பாதங்களை லிவர் ஆர்மில் வைத்து முதுகை பின்பகுதி சாய்வில் வைத்து சற்று பின்னோக்கி சாய வேண்டும்.
  • கைகளை பக்கவாட்டு பிடியில் பிடித்து லிவர் ஆர்மை காலால் தூக்கி கால்களை நேராக கொண்டுவரவேண்டும்.
  • 1 செட்டுக்கு 10 என்ற கணக்கில் 3 செட்கள் செய்யலாம்.

உட்கார்ந்து எழும் பயிற்சி (Squats)

உட்கார்ந்து எழும் பயிற்சி செய்து உங்கள் கால் மூட்டு சுற்றியுள்ள கொழுப்பை கரைத்து வலிமையான கால் தசைகளைப் பெறுங்கள்.

  • நேராக நின்று கொண்டு உங்கள் கைகளை பக்கவாட்டில் வைக்கவும்.
  • உங்கள் உடலை அப்படி கீழே உட்காரும் அளவு சென்று கைகளை தரையில் வைக்கவும்.
  • உங்கள் கால்களை பின்னால் இழுத்து தண்டால் செய்வது போன்ற நிலைக்கு வரவும்.
  • மீண்டும் உங்கள் கால்களை பழைய நிலைக்கு கொண்டு வந்து பின் உங்களால் முடிந்த அளவு ஒரு குதி குதிக்கவும்.
  • கைகளையும் கால்களையும் சுழற்றி உங்கள் உடலோடு X வடிவம் வரும்படி செய்ய வேண்டும்.
  • மீண்டும் கால்களை தரையில் வைக்கவும்.
  • 1 செட்டுக்கு 5 தடவையாக 3 செட்டாக செய்யலாம்.